Цэцэ, Дандий, Пангаас гурав анх удаа дуугаа бичүүлэхээр "Соёл” студийн босгыг давж байсан бөгөөд хичээлээ таслаад дуугаа бэлддэг сурагчид байжээ.
Ази, Дандий хоёр эрдмийн мөр хөөж, гадаадад сурах хугацаанд тэдний уран бүтээл түр завсарласан. Харин удалгүй Ази ирсний дараа "Vanquish” дахин "төрж”, 2005 оны зун Төвшөөг хамтлагтаа авснаар уран бүтээлээ үргэлжлүүлжээ.
Ингээд тэд "Эксел” машиныг магтан дуулсан уран бүтээл гаргаснаар өөрсдийн гэсэн сонсогчтой болсон байна.
Энэ хугацаанд Дандий ч эх орондоо эргэн ирснээр хамтлаг таван гишүүнтэй болж "Оддын амьдралаар амьдрах юмсан, наян мянган долларын машин унах юмсан” хэмээн үглэснээр тэднийг сонсох залуусын хүрээ тэлжээ.
Цэцэ-г Америк руу явсны дараа Бямбааг хамтлагтаа нэгтгэснээр зургуулаа болон бүрджээ.
2007 оны 11 сард Vanquish хэсэг бүлэг хүмүүстэй нийлэн шилдэг хит single болох HOOD дууг гарган бүгд өөр өөрсдийн өсөж төрсөн газар буюу ДОШ-ныхоо тухай дуулцгаасан.
Харин Америкт байсан хамтлагийг үүсгэн байгуулагч хүү ажил хичээлийн хажуугаар дуртай зүйлээ хйисээр байсан бөгөөд 2008 оны зун хамгийн анх Миний Пүүз дуугаа цацаж залуусыг жинхэнэ байлдан дагуулсан.
Үүнээс хойш Цэцэ 2008 оноос 2009 онд нийт 220, Халзан толгой хоёр соёо, 2012 гэсэн гурван цомог гаргасан бөгөөд 2010 онд 4 дэх бие даасан Нийслэл Хүү нэртэй цомгоо гаргасан юм.
Нэг зүйлийг нэмж хэлэхэд Цэцэ өөрийн 3 дахь цомог болох 2012 цомгийнхоо бүх орлогыг хүүхдүүдийн эрүүл мэнд ирээдүйн төлөө хандивласан юм.
Vanquish хамтлаг 2010 онд 6 нас хүрж мөн зургаан гишүүн бүгд цугларч анхны бие даасан Юу вайна түүвээнэ тоглолтыг UB open air-т хийсэн юм.
Одоо хамтлагийн гишүүд бүгд өөр өөрсдийн ажил, мэдлэг боловсролоо хөөгөөд завгүй явж байгаа бөгөөд зав зайгаарай дуунуудаа хийсээр байгаа юм.