Перси: Би өөр зэвсэгтэй болмоор байна - 29 December 2011

Робин Ван Перси толгойгоороо гоолдохыг хүсч байна.

Эдүгээ ТОП формтой яваа Арсеналын "Нисдэг Голланд” маань АПЛ-н мэргэн буучдын жагсаалтыг 16 гоолтойгоор итгэл төгс тэргүүлж байгаа ч энэхүү 16 бөмбөгийн ихэнх нь түүний зүүн хөлний ач гавьяа билээ.

Ван Перси энэ улиралд Аваргуудын Лигийн ээлжит нэгэн тоглолтод Боруссиа Дортмундын хаалганд толгойгоороо мөргөж оруулснаас өөр гоолыг хийгээгүй юм. Гэхдээ тэрээр энэхүү чадвараа сайжруулах боломж бий хэмээн итгэж байна.

Тэрээр arsenal.com-д өгүүлэхдээ: "Би өөрийнхөө хийх ажлыг хийж л байгаа. Яагаад гэвэл би бөмбөг хийх ёстой гэж толгойдоо бат итгэлтэйгээр бодох л юм бол үнэндээ хийдэг л байхгүй юу. Гэхдээ толгойгоороо л гоолдмоор байна.”

"Мөргөж гоолдох гэдэг чинь ганцхан өндөр хүмүүсийн хийдэг зүйл биш. Би олон олон толгойгоороо сайн тоглодог хүмүүсийг мэднэ. Тухайлбал Эвертоны Тим Кэхилл байна. Тэр маш өндөр үсэрдэгээс гадна түүний бөмбөгтэй хүрэх хугацаа яг тохирдог. Би өнгөрсөн улиралд Леедс-тэй хийсэн тоглолтод мөргөж гоол оруулсны дараа өшөө олон бөмбөгийг толгойгоороо хийхийг хүсдэг болсон. "

"Би олон олон гоол хийхийг хүсдэг. Хэрвээ би толгойгоороо сайн гоолддог болчихвол маш олон чадвартай болно гэсэн үг. Мэдээж энэ бол тийм ч амархан биш. Өөрийнхөө алхалтыг хянана, бөмбөг ирэх хугацааг тооцоолж зөв үйлдэл хийх... "